أخبار عاجلة
الرئيسية / أعماله / شعر غنائي / أغاني في أعمال درامية / نادر أبو الليف – حاميها و حراميها – الشاعر خالد الشيباني

نادر أبو الليف – حاميها و حراميها – الشاعر خالد الشيباني

حاميها وحراميها طلعوا اخوات .. ميفرقوش عن بعض نسخة مطابقة
واحد تخصص عدل ومرافعات والتاني بلطجة وخطف وسرقة
واحد مقطع البطاقة شكله شرب محيط جراءة
والتاني غاوي يمشي رسمي وقانوني حتى ف الخناقة
حرامي همه يبقى كفاءة .. لو ياخد غرزتين مش فارقة
ومحامي إن جاب لحد براءة .. يفرح لو حتى ياخد علقة

***
يا عيني ع اللي يعيش علشان .. عايز يجيب حق الإنسان
يلقى العدالة متغمية .. ومسكوها ف إيدها ميزان
فاكرين كده هيخلوها .. تساوي دايما بين الكل
بس الأبالسة استعموها .. وكل ما ندور على حل
يعطلونا بالفرقة
***
يا خوفي على حد ابن حلال .. إجباري ماشي يا دنيا شمال
عمال يسكت في ضميره .. ويكمل الشارع البطال
بيخبي ف عيونه النظرة اللي تبينه لسه بريء
وحاله يصعب ع الكفرة .. وكل يوم عمالة تضيق
شكل الحياة عليه متفقة

تتر بداية مسلسل حاميها وحراميها غناء أبو الليف

من كلمات الشاعر / خالد الشيباني

ألحان / وائل عقيد

توزيع / آدم حسين –

مسلسل حاميها وحراميها بطولة سامح حسين ومي كساب

عايدة رياض وسميرة صدقي وأحمد صيام وإنجي وجدان

عمرو عبد العزيز وأيمن زيدان وأيمن عزب والطفلة جنى

والعديد من النجوم 

قصة وسيناريو وحوار / محسن رزق

إنتاج رمسيس الحديثة / محروس المصري

إخراج / عصام شعبان

شاهد أيضاً

نِمَر في بطايق | محمود معوض | مسلسل البارون

احنا نمر في بطايق .. قصتنا إيه مش فارق من كتر مبنتضايق مخنوقة الحيطان حوالينا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *