أخبار عاجلة
الرئيسية / أعماله / شعر غنائي / أغاني / أمينة – الأيام دول – الشاعر : خالد الشيباني

أمينة – الأيام دول – الشاعر : خالد الشيباني

ليه يا ابن آدم تستقوى .. لما تحس إنك أقوى

و لما بتزيد ف القوة تعمل على الخلق فتوة 

هوه انت إيه مبتتعلمش م اللي بيحصل ف الدنيا

كل الحاجات فيها مبتدومش .. و مسيرها رايحة .. لناس تانية 

الأيام دول .. و لا بتسيب الطاير ف العلالي زي م هوه عالي

الأيام دول .. مش دايمالك ياللي عليها غالي و لا هيه دايمالي 

ياما ناس تعيش فيها الهنا متحكمة و متمكنة 

و ف ثانية يطلع حد غيرها ياخد مكانها

كل اللي فيها اتكبروا بالنعمة طاحوا و افتروا 

اتهدوا و اللي بيعلى ناس مستضعفينها 

الأيام دول ..

***

طير يا حمام .. و اهي كلها أيام 

ترجع تلقى اللي كان صيته مالي المكان .. بقى ذكرى و السلام 

و اهي كلها أيام 

ياما ناس تعيش فيها الهنا متحكمة و متمكنة 

و ف ثانية يطلع حد غيرها ياخد مكانها

كل اللي فيها اتكبروا بالنعمة طاحوا و افتروا 

اتهدوا و اللي بيعلى ناس مستضعفينها 

الأيام دول .. و لا بتسيب الطاير ف العلالي زي م هوه عالي

الأيام دول .. مش دايمالك ياللي عليها غالي و لا هيه دايمالي 

الأيام دول | أمينة

الشاعر خالد الشيباني

الملحن وائل عقيد

الموزع آدم حسين

من مسلسل حاميها وحراميها

للمؤلف محسن رزق والمخرج عصام شعبان

المسلسل بطولة

سامح حسين – مي كساب

أحمد صيام – عايدة رياض

سميرة صدقي – عمرو عبد العزيز

إنجي وجدان – أيمن زيدان

 

 

 

 

شاهد أيضاً

نِمَر في بطايق | محمود معوض | مسلسل البارون

احنا نمر في بطايق .. قصتنا إيه مش فارق من كتر مبنتضايق مخنوقة الحيطان حوالينا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *