أخبار عاجلة
الرئيسية / أعماله / شعر غنائي / أغاني في أعمال درامية / بلادي يا مهد الحضارة | سامح حسين و حنان مطاوع | مسرحية أنا الرئيس | الشاعر : خالد الشيباني

بلادي يا مهد الحضارة | سامح حسين و حنان مطاوع | مسرحية أنا الرئيس | الشاعر : خالد الشيباني

بلادي يا مهد الحضارة .. شهد التاريخ إنك .. للعلم والأديان منارة

وابنك بيثبتلك على مر الزمن .. إنه بيتحدى وبيعدي المحن ..

أغلى ما عنده ف الوجود هوه الوطن .. وتاريخه مش بس الحجارة

 

دمي اللي سال على جبينك في الميدان .. إثبات لحبك ولا عايزة دليل كمان

طب فاكرة دمي اللي روالك أرض سينا .. وحررك ووحدك من عهد مينا

لو اموت شهيد ميت مرة يا بلادي عشانك ..   ح اقول فداكي ومش خسارة

 

عرقي بنالك اهرامات وحفر قنال .. وعلى سد وهد حيل الاحتلال

وكل يوم يهديكي يا غالية مدينة .. معرفش ساكنين فيكي ولا سكنتي فينا

الحب واحد لو بقالي قصور ف أرضك .. او كنت ساكن جوه حارة

 

وصى عليكي ووصى بجنودك محمد .. وعيسى في بيوتك سكن والعدرا  تشهد

وإبراهيم اختارله ربنا زوجه منك  .. وموسى طول الغيبة كان مشتاق لحضنك

والحزن طال يعقوب سنين على بعد يوسف .. وجاتله من مصر البشارة

 

بلادي يا مهد الحضارة 

آداء : سامح حسين ؛ حنان مطاوع

الشاعر : خالد الشيباني

الملحن : وائل عقيد

توزيع : سامر عادل 

من مسرحية أنا الرئيس 

للمؤلف : يوسف عوف و المخرج : محسن رزق  

 

شاهد أيضاً

نِمَر في بطايق | محمود معوض | مسلسل البارون

احنا نمر في بطايق .. قصتنا إيه مش فارق من كتر مبنتضايق مخنوقة الحيطان حوالينا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *