أخبار عاجلة
الرئيسية / أعماله / شعر غنائي / أغاني في أعمال درامية / صفر مرمي ع الشمال – الشاعر : خالد الشيباني – إلقاء : سامح حسين – مسرحية ” أنا الرئيس “

صفر مرمي ع الشمال – الشاعر : خالد الشيباني – إلقاء : سامح حسين – مسرحية ” أنا الرئيس “

شايلاني ليه من حسبتك ومخلياني صفر مرمي ع الشمال
حارماني من حنيتك ومن كيعاني مشرباني قسوتك
ده انا نفسي أنور سكتك بدل م بنخبط ف بعض ف عتمتك
ليه اللي بايع تشتريه وبتسمعيه وتريحيه وتكرميه وتعظميه
وليه لقلبي كل وعد بتوعديه .. يطلع يا غالية كلام عيال
سفيت ترابك ذرة ذرة .. ورضيت أموت وتعيشي حرة
ده الحب ليكي برغم جرحي .. يكفي ميت مليون مجرة
وشك ده مرسوم من ملامحي .. ونبضي جايب ليكي بكرة
طول عمري وأنا عمال بأضحي ..ولا طلبت الشكر مرة
وانتي مصرة ..
تطبطبي على ولاد لذينة .. وتشوطي ف ولاد الحلال
كل الأسامي اللي ليا بتختاريها .. مطحون مهمش ولا محدود دخله ليه
كل اما ألاقي السكة حالفة تقفليها .. وتملي بأرخص ليه عليكي ولا الجنيه
هوه انتي عايزة تطفشيني .. يبقى اسمعيني
انا مش هاج مع اللي هجوا .. ولا ناوي أسكت واتلهي ب حشيش وبانجو
هأفضل مركزلك وعيني مفنجلة .. حلو الشقا مرحب كمان بالبهدلة
مستهونة بيا قوي ومهزأني .. وبتقوليلي بملو فمك يا ولة
ناسية إني أصل المرجلة .. مش هرتلة
كام مرة كنت ضعيف وكنتي مسلسلة
ووقفت على حيلي وحررتك أنا م الاحتلال
شايلاني ليه من حسبتك ومخلياني صفر مرمي ع الشمال
———————————–
—————————————
قصيدة / صفر مرمي ع الشمال – للشاعر / خالد الشيباني
من مسرحية ( أنا الرئيس) إلقاء : سامح حسين
للمؤلف / يوسف عوف والمخرج / محسن رزق

الفيديو على الفيسبوك

شاهد أيضاً

نِمَر في بطايق | محمود معوض | مسلسل البارون

احنا نمر في بطايق .. قصتنا إيه مش فارق من كتر مبنتضايق مخنوقة الحيطان حوالينا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *